پاکستان سمیت دنیا بھر میں سوشل میڈیا پلیٹ فارم Meta Platforms کی سروسز میں اچانک تعطل پیدا ہوگیا، جس کے باعث صارفین کو فیس بک اور انسٹاگرام استعمال کرنے میں مشکلات کا سامنا کرنا پڑا۔
صارفین کے مطابق فیس بک پر میسجز بھیجنے، پوسٹس اپ لوڈ کرنے اور فیڈ لوڈ ہونے میں مسائل پیش آئے، جبکہ انسٹاگرام پر بھی تصاویر اور ویڈیوز اپ لوڈ نہیں ہو رہیں اور ایپ کا استعمال متاثر رہا۔
دوسری جانب صارفین نے سوشل میڈیا پلیٹ فارم X (formerly Twitter) پر شکایات کا اظہار کیا اور بتایا کہ سروسز مکمل یا جزوی طور پر بند ہو گئی ہیں۔
کچھ دیر بعد دونوں پلیٹ فارمز کی سروسز بتدریج بحال ہونا شروع ہو گئیں، تاہم مکمل بحالی کے عمل میں وقت لگا۔
میٹا کی جانب سے اس تعطل کی وجوہات کے حوالے سے کوئی باضابطہ بیان جاری نہیں کیا گیا۔
