Karachi Port کے قریب کھلے سمندر میں دو بحری جہازوں کے درمیان تصادم کا واقعہ پیش آیا، جس کے نتیجے میں ایک جہاز سے کئی کنٹینرز سمندر میں گر گئے۔
رپورٹس کے مطابق حادثہ ایم وی نیوا اور ایم وی پاپو نامی جہازوں کے درمیان پیش آیا۔ تصادم کے بعد متعلقہ حکام نے فوری کارروائی کرتے ہوئے ایم وی نیوا کو برتھ نمبر 5 پر منتقل کر دیا۔
چیئرمین Karachi Port Trust شاہد احمد نے بتایا کہ واقعہ گزشتہ رات پیش آیا اور ابتدائی اطلاعات کے مطابق دونوں جہاز حادثاتی طور پر آپس میں ٹکرا گئے۔
انہوں نے کہا کہ حادثے میں کسی قسم کا جانی نقصان نہیں ہوا، تاہم ایک جہاز سے کنٹینرز سمندر میں گرنے کی اطلاعات موصول ہوئی ہیں۔
پورٹ حکام کے مطابق واقعے کی مکمل تحقیقات شروع کر دی گئی ہیں تاکہ تصادم کی اصل وجوہات معلوم کی جا سکیں۔
