برطانیہ میں ایک ایٹمی پاور پلانٹ کے قریب جنگل میں آگ لگنے کے بعد فائر بریگیڈ اور ہنگامی امدادی اداروں نے فوری کارروائی شروع کر دی۔
غیر ملکی میڈیا رپورٹس کے مطابق آگ پلانٹ کے اطراف جنگلاتی علاقے میں بھڑکی، جس کے بعد متعدد فائر فائٹرز اور امدادی گاڑیاں موقع پر پہنچ گئیں اور آگ پر قابو پانے کی کوششیں شروع کر دیں۔
حکام کا کہنا ہے کہ ایٹمی پاور پلانٹ کی تنصیبات محفوظ ہیں اور آگ سے پلانٹ کو کوئی نقصان نہیں پہنچا۔ احتیاطی تدابیر کے طور پر متعلقہ ادارے صورتحال کی مسلسل نگرانی کر رہے ہیں۔
ابتدائی اطلاعات کے مطابق آگ کی وجہ فوری طور پر معلوم نہیں ہو سکی، جبکہ واقعے کی تحقیقات جاری ہیں۔
حکام نے شہریوں سے متاثرہ علاقے سے دور رہنے اور صرف سرکاری ذرائع سے جاری کردہ ہدایات پر عمل کرنے کی اپیل کی ہے۔
