وفاقی حکومت نے جعلی ادویات کے خاتمے اور عوام کو اصل دوا کی شناخت میں سہولت دینے کے لیے اہم اقدام کرتے ہوئے تمام ادویات پر بارکوڈ لگانے کی منظوری دے دی ہے۔
حکومتی فیصلے کے مطابق اب ہر دوا کے پیکٹ پر بارکوڈ موجود ہوگا، جس کی مدد سے صارفین دوا کے اصل یا جعلی ہونے کی تصدیق کر سکیں گے۔
وفاقی وزیر صحت Mustafa Kamal نے بتایا کہ وفاقی کابینہ نے ڈرگ لیبلنگ اینڈ پیکنگ رولز 1978 میں ترامیم کی منظوری دے دی ہے، جس کے بعد ادویات کے لیے ٹریک اینڈ ٹریس سسٹم نافذ کیا جائے گا۔
انہوں نے کہا کہ یہ فیصلہ ملک سے جعلی اور غیر معیاری ادویات کے خاتمے کی جانب اہم پیش رفت ہے، جبکہ صارفین اب ڈیجیٹل طریقے سے دوا کی مکمل معلومات چیک کر سکیں گے۔
وزیر صحت کے مطابق دوا ساز کمپنیوں اور درآمد کنندگان کے لیے دوا کے پیک پر ٹو ڈی بارکوڈ اور سیریلائزیشن ڈیٹا درج کرنا لازمی ہوگا۔
اس نئے نظام کے ذریعے صارفین دوا کی میعاد، قیمت اور استعمال سے متعلق مستند معلومات بھی آسانی سے حاصل کر سکیں گے۔
انہوں نے مزید کہا کہ Drug Regulatory Authority of Pakistan جلد اس نظام کے نفاذ کے لیے تکنیکی رہنما اصول جاری کرے گی تاکہ ملک بھر میں جدید ٹریک اینڈ ٹریس سسٹم مؤثر انداز میں نافذ کیا جا سکے۔
